“Qarabağ” – APOEL oyununun hakimləri açıqlandı
21.10.2019 , 13:18
Avropa Liqasının qrup mərhələsinin 3-cü turunda keçiriləcək “Qarabağ” – APOEL matçının hakimləri müəyyənləşib.
Korner.az UEFA-nın saytına istinadən xəbər verir ki, görüşü Slovakiyadan olan hakimlər briqadası idarə edəcək. Matçın baş hakimi Filip Qlova olacaq. Ona yan xətdə Frantişek Ferenç və Yan Pozor kömək edəcək. Dördüncü hakim funksiyasını Peter Ziemba yerinə yetirəcək.
Qeyd edək ki, oktyabrın 24-də Tofiq Bəhramov adına Respublika stadionunda keçiriləcək “Qarabağ” – APOEL matçı saat 20:55-də başlayacaq.
