“Qarabağ” heç-heçə ilə başladı
29.06.2022 , 22:50
Yeni mövsümə hazırlıqlarını davam etdirən “Qarabağ” bu gün iki yoxlama oyunu keçirib.
Korner.az xəbər verir ki, “atlılar” əvvəlcə Almaniyanın “Holştayn Kiel” klubu ilə qarşılaşıb. Saat 14:00-da başlayan matçda qalib müəyyənləşməyib – 2:2. “Qarabağ”ın heyətindfə hər iki qolu Ramil Şeydayev vurub.
Qurban Qurbanovun rəhbərlik ediyi kollektiv günün ikinci yarısında daha bir sınaq matçına çıxıb. Rəqib Rumıniya “Universitatya Krayova”sı olub. Saat 20:30-da start verilən görüş də heç-heçə başa çatıb – 1:1. Bu qarşılaşmada təmsilçimizin yeganə qoluna Filip Ozobiç imza atıb.
Avstriyada təlim-məşq toplanışında olan “Qarabağ” ilk yoxlama oyununda Rumıniyanın “Botoşani” klubunu darmadağın edib – 4:0.
Yoldaşlıq oyunları
29 iyun
“Qarabağ” – “Holştayn Kil” (Almaniya) – 2:2
12:00 (Bakı vaxtı ilə 14:00)
St. Ulrix stadionu
“Qarabağ” – “Universitatya Krayova” (Rumıniya) – 1:1
18:30 (Bakı vaxtı ilə 20:30)
Yenbax stadionu
