“Qarabağ” Topaz Premyer Liqasının XIX turunun “Qəbələ” ilə oyununun hazırlıqlarını davam etdirir.
Korner.az-ın məlumatına görə, Qəbələdə eyniadlı komandanın qonağı olacaq ağdamlılar gündə 2 dəfə məşq etməklə oyuna hazırlaşır.
“Qarabağ” şimallılarla oyunöncəsi heç də tam heyətlə çalışa bilmir. 5 futbolçusunu Azərbaycan, 1-ni isə Albaniya millisinə göndərən komanda millilərin xidmətindən 2 gün sonra yararlana biləcək. Qurban Qurbanovun yetirmələri məşqlərini Suraxanı qəsəbə stadionunda keçirəcək.
“Qarabağ” Qəbələyə fevralın 8-də yollanacaq. İlk altılıqda qərarlaşan rəqiblərin görüşü fevralın 10-da, saat 15:30-da başlayacaq.
