“Qarabağ” 2 futbolçuyla müqavilə imzaladı

“Qarabağ” iki futbolçusunun müqaviləsini uzadıb. 

Korner.az-ın məlumatına görə, Ağdam klubu Qara Qarayev və Hacı Əhmədovla yeni anlaşma imzalayıb. Müqaviləyə əsasən onlar 2017-ci ilin yayınadək “Qarabağ”da qalacaq.

Qeyd edək ki, Qara Qarayev Ağdam klubunun yetirməsidi. 2008-ci ildən əsas heyətə cəlb olunan millimizin 21 yaşlı müdafiəçisi 113 oyun keçirib və 1 qol vurub. 2012-ci ildə “Bakı”dan transfer olunan 20 yaşlı arxa xətt oyunçusu Hacı Əhmədov isə “Qarabağ”ın əsas heyətində 24 oyuna çıxıb.