Avropa liqası

Qara Qarayev: “Qarabağ”ın oyununda hansısa əski parçasını gətirib, iddiada bulunmağın özü gülüncdü”

23.10.2019 , 13:25

Avropa Liqasının qrup mərhələsinin III turunda sabah Kiprin APOEL klubunu qəbul edəcək “Qarabağ”ın futbolçusu Qara Qarayev oyunöncəsi mətbuat konfransında jurnalistlərin suallarını cavablandırıb.

Korner.az xəbər verir ki, futbolçu əvvəlcə görüş barədə fikirlərini bildirib.

– Bu oyuna yaxşı hazırlaşmışıq. Ciddi itkilərimiz yoxdu. Tam gücümüzlə hazırıq. Ən vacib olan psixoloji və fiziki cəhətdən hazır olmaqdı. Əlimizdən gələni edəcəyiki ki, azarkeş amilindən yararlanaq və yaxşı nəticə göstərək.

– Psixoloji cəhətdən eyni komanda ilə 3-cü dəfə qarşılaşmaq nə dərəcədə çətindi?

– Artıq komandalar bir-birini yaxşı tanıyır. Arada gizli taktiki gediş qalmayıb. Bu oyunda xüsusi fərqləndirəcəyimiz amil evdə oynamağımızdı. Azarkeşlər motivasiya olmağımızda əlavə güc verəcək.

– Lüksemburqda baş verənlərdən sonra əlavə bir hiddət, qıcıq varmı ki, daha artığını etməliyik?

– Siyasətlə idmanı qatmaq istəmirik. Azərbaycanı, Qarabağı təmsil edirik. Adımızın belə çirkin oyunlarda hallanmasını istəmirik. Öz sözümüzü oyunumuzla demişik. Bundan sonra da nəticələrimizlə ölkəmizi təmsil etmək istəyirik. Bizim olan dəyərlərı, Qarabağa görə niyə qıcıqlanmalıyıq. Bütün dünya bilir ki, Qarabağ bizimdi. Onların olmadıöı üçün qıcıqlanırlar. Bizim kiməsə isbat edəcəyimiz bir şey yoxdu. “Qarabağ”ın oyununda hansısa əski parçasını gətirib, iddiada bulunmağın özü gülüncdü.

Son yazılar

Yuxarı