Qara Qarayev: “Necə oynayacağımızı bilirik”
07.09.2020 , 20:29
Azərbaycan millisinin futbolçusu Qara Qarayev Millətlər Liqasının qrup mərhələsinin II turunda sabah Kipr yığmasına qarşı keçiriləcəkləri matç barədə fikirlərini bildirib.
Korner.az xəbər verir ki, o, oyunöncəsi mətbuat konfransında oyuna hazır olduqlarını bildirib:
“Bütün diqqətimiz bu oyuna yönəlib. Heyətdə Mahirdən başqa bir itki yoxdur. Oyuna tam hazırıq. Əlimizdən gələni edəcəyik ki durumu xeyrimizə dəyişək, azarkeşlərin rəğbətini qazanaq. Bura daha əvvəl “Qarabağ”la səfər etmişəm. Milli səviyyədə ilk dəfə qarşılaşacağıq. Necə oynayacağımızı bilirik. Ancaq bunu indi demək düzgün deyil. Məşqçilər heyəti rəqibi yetərincə araşdırıb və lazım olan informasiyanı bizə verib”.
Qeyd edək ki, Nikosiyada keçiriləcək Kipr – Azərbaycan oyunu Bakı vaxtı ilə 22:45-də başlayacaq.
