İranın qadınlardan ibarət milli komandasının 8 futbolçusunun cinsiyyətini dəyişdirməyə hazırlaşan kişilər olduqları ortaya çıxıb.
Korner.az-ın məlumatına görə, İran Futbol Federasiyasının mətbuat katibi Modtabi Şərifi faktı təsdiqləsə də, qalmaqala səbəb olan şəxslərin adlarını açıqlamayıb.
Federasiya rəhbərliyi həmin idmançıların cinsiyyət testindən keçirilməsini əmr edib. Onların cəzalandırılıb-cəzalandırılmayacağı isə hələ bəlli deyil.
Qeyd edək ki, ötən il İngiltərənin “Deyli Teleqraf” qəzeti İranın qadınlardan ibarət milli komandasının 4 futbolçusunun kişi olduğunu iddia etmişdi. Analoji hadisə 2010-cu ildə də baş vermişdi.
İran İslam inqilabının baş verdiyi 1979-cu ildən bu ölkədə cinsiyyət dəyişdirmək əməliyyatları sərbəstdir.
