Futbol

“Qalib gəlmək üçün yaxşı futbol oynamaq lazımdı”

11.10.2021 , 17:56

Serbiya millisinin baş məşqçisi Draqan Stoykoviç DÇ-2022-nin seçmə mərhələsində Azərbaycan yığmasına qarşı keçirəcəkləri matç barədə fikirlərini bildirib.

Korner.az xəbər verir ki, mütəxəssis oyunöncəsi mətbuat konfransında bunları deyib:

“Futbolda hər şey vacibdi. Ən başlıcası qalib gəlmək üçün yaxşı futbol oynamaq lazımdı. Azərbaycana qarşı nə qədər ehtiyacımız olsa, o qədər hücumçu ilə oynayacağıq. Bu matçı ciddiyə alırıq. İndiyə qədər oynadığımız oyunlardan heç də az əhəmiyyətli deyil. Bütün parametrlər baxımından vacib bir matçdı. Azərbaycan çox problem yarada biləcək yaxşı komandadı.

Bütün məlumatlara sahibik. Ümumilikdə 6 oyunçumuz Portuqaliya ilə oyun öncəsi cəza limitindədi. Heyət haqqında düşünmək üçün kifayət qədər vaxtımız var. Bəlkə sabah qərar verəcəyəm. Hər halda bilirəm ki, kim oynasa, əlindən gələni edəcək”.

Serbiya – Azərbaycan matçı sabah Bakı vaxtilə saat 22:45-də baş tutacaq.

Son yazılar

Yuxarı