“Qalatasaray”ın və Türkiyə millisinin üzvü Səlçuk İnan UEFA-nın Çempionlar Liqasının qrup mərrhələsinin son turu üçün müəyyənləşdirdiyi “ilk 11-liyə” düşüb.
Korner.az-ın məlumatına görə, qrupun son oyununda Qazaxıstanın “Astana” klubu ilə öz meydanında 1:1-lik bərabərliyə razılaşan və mübarizəni Avropa Liqasında davam etdirmək hüququ qazanan “Qalatasaray”ın sözügedən oyundakı yeganə qolunu da məhz Səlçuk İnan vurmuşdu.
UEFA-nın müəyyənləşdirdiyi start heyət aşağıdakı kimidir:
Qapıçı: Mark-Andre ter Ştegen (Barselona)
Müdafiəçilər: Loren Koselni (Arsenal), Naldo (Volfsburq), Jeffri Bruma (PSV), Filip Mladenoviç (BATE)
Yarımmüdafiəçilər: Daniyel Miliçeviç (Gent), Səlçuk İnan (Qalatasaray), Eden Hazard (Çelsi)
Hücumçular: Rahim Sterlinq (Mançester Siti), Olivye Jiru (Arsenal), Kristiano Ronaldo (Real Madrid)