“Qalatasaray”ın futbolçusuna sürpriz təklif
30.04.2024 , 14:14
“Qalatasaray”ın futbolçusu Dris Mertenslə bağlı yeni iddia gündəmə gəlib.
Korner.az xəbər verir ki, belçikalı futbolçu ilə keçmiş klubu “Napoli” əlaqə saxlayıb.
Bu barədə Türkiyə mətbuatı məlumat yayıb.
Bir müddət əvvəl İtaliyaya qısamüddətli tətilə yollanan Dris Mertens burada köhnə komanda yoldaşları ilə görüşüb.
Yayılan xəbərə görə, “Napoli” Mertensə futboldan ayrıldıqdan sonra İtaliya klubunda məşqçi olaraq çalışmağı təklif edib.
Bu təklifdən çox qürur duyduğunu bildirən oyunçu futbolu tərk edib-etməmək barədə hələ qərar vermədiyini bildirib.
Hazırda yeganə diqqətinin “Qalatasaray” olduğunu bildirən belçikalı futbolçu hələlik təklifi rədd edib.
