“Qalatasaray”dan rəsmi təklif
19.08.2024 , 20:33
“Qalatasaray” müdafiə xəttini gücləndirmək üçün hərəkətə keçib.
Korner.az xəbər verir ki, Super Liqa klubu “Brügge”dən Maksim de Kuyperi transfer etməyi düşünür.
İstanbul nəhəngi futbolçu üçün 10 milyon avro dəyərində rəsmi təklif də göndərib.
Belçika komandası “Qalatasaray”ın etdiyi ilk təklifi rədd edərək, təklifə yenidən baxılmasını istəyib.
Maksim de Kuyperin isə “Brügge”dən ayrılmaq istədiyi və ona gələn təklifləri dəyərləndirmək istədiyi bildirilib.
“Qalatasaray” təmasları gücləndirərək transferi qısa zamanda başa çatdırmaq istəyir.
23 yaşlı futbolçu Belçika klubunda 68 oyuna çıxıb, 15 qol vurub və 12 məhsuldar ötürmə edib.
