Türkiyə Superliqasında mövsüm sona yaxınlaşdıqca “Qalatasaray”dan göndəriləcək futbolçuların adları yavaş-yavaş bəlli olmağa başlayıb.
Korner.az qardaş ölkənin mətbuatına istinadən xəbər verir ki, “sarı qırmızılılar” artıq menecerlər vasitəsilə “Yuventus”la danışıqları intensivləşdirməyə hazırlaşır. Məqsəd, İtaliya klubundan icarəyə alınan Felipe Melonu İstanbulda saxlamaqdı.
Komandadan göndəriləcəklərə gəlincə, bu siyahıda Sərcan Yıldırımın adı birincidi. Mövsümün əvvəlində “Bursaspor”dan böyük ümidlərlə transfer edilən, ancaq nadir hallarda meydana çıxan Sərcanın başqa kluba icarəyə verilməsi planlaşdırılır. Onunla yanaşı, Mehmet Batdal, Sərkan Kurtuluş, Anıl Dilavər də növbəti mövsümü icarədə keçirəcək. “Qalatasaray”la müqaviləsi bitən Sərvət Çətin və Aykut Ərçətinlə yollarını ayıracaq “sarı-qırmızılılar”ın yönətimi Çağlar Birinci, Sabri Sarıoğlu, Aydın Yılmaz, Boqdan Stanku, Emmanuel Kulio və Xuan Pablo Pinonun komandada qalıb-qalmayacağını Fatih Terimin təqdim edəcəyi hesabata uyğun olaraq müəyyənləşdirəcək.
