"Qalatasaray"ın transfer etmək istədiyi Almaniyanın "Şalke" klubunun futbolçusu Julian Draksler Madrid "Real"ının transfer siyahısına yer alıb.
Korner.az-ın məlumatına görə, bu barədə xəbəri İspaniya mətbuatı yayıb. "Qalatasaray"ın azarkeşlərinin də, komandada görmək istədiyi 19 yaşlı alman futbolçu özü də, "Real"ın formasını geyinmək istədiyini bildirib:
"Mən öncədən də demişdim ki, İspaniyada oynamaq istəyirəm. "Real" kimi böyük klubun mənimlə maraqlanması və oynadığım futbolu bəyənmələri məni sevindirdi.Hər zaman çalışıram ki, "Real" və "Barselona"nın oyunlarını izləyim. Əsas "El Klassiko" heç vaxt qaçırmaram".
