"Qəbələ"in futbolçusu Şəhriyar Xəlilovun Korner.az saytına müsahibəsi
– Gözlənilmədən "Rəvan"a məğlub oldunuz. 90 dəqiqə meydanda mübarizə apardın. Nə baş verir "Qəbələ"də?
Biz də bu məğlubiyyəti gözləmirdik. Belə məğlub olmağın bir səbəbi var idi: zəif oynamaq. Zəif oynadıq və məğlub olduq.
– Zəif oynamağınıza səbəb nə idi?
Niyə zəif oynadığımızın səbəbini deməkdə çətinlik çəkirəm. Sadəcə yaxşı oynamadıq və məğlub olduq.
– Bu məğlubiyyətdən sonra Fatih Kavlak komandadan göndərildi və əvəzinə bir zamanlar "Qəbələ"nin baş məşqçisi olmuş Ramiz Məmmədov gətirildi. Baş məşçi dəyişikliyinin AZAL-la oyunqabağı baş verməsi problem yaratmayacaq?
İnanmıram ki, nə isə problem olsun. Dəyişikliyin bizə hər hansı çətinlik yaradacağına inanmıram. Ancaq zamanla hər şey qaydasına düşəcək.
– Qarşıdan AZAL-nan oyun gəlir. Bu oyun haqda nə deyərdin?
İnşallah bu oyunda qələbə qazanmağa çalışacağıq. Çünki sabahkı oyunda qələbə komanda üçün çox vacibdi.
– Ancaq rəqibiniz Premyer Liqada məğlub olmayıb…
Biz onları sabah məğlub edək? siz də görün.
– Bir zamanlar "Xəzər Lənkəran"da çıxış etmisən. "Qəbələ" və "Xəzər Lənkəran" arasında nə kimi fərqlər var?
Məncə, bu klublar arasında elə ciddi fərq yoxdu. Çünki həm "Xəzər Lənkəran", həm də "Qəbələ" iddialı klublardı və hər iki komanda çempionluğa oynayır.
Səxavət QURBANOV
