“Qəbələ”nin 15-ci startı
20.08.2020 , 14:46
Avqustun 21-də Azərbaycan Premyer Liqasında 2020-2021-ci illər mövsümü başlayacaq.
Korner.az xəbər verir ki, 29-cu ölkə çempionatı “Qəbələ” üçün yubileylə əlamətdar olacaq. Yüksək dəstədə 2006-cı ildə debüt edən “qırmızı-qaralar” 15-ci dəfə güclülərin mübarizəsinə qatılacaq.
Komanda indiyədək 14 dəfə Premyer Liqada (əvvəlki güclülər dəstəsi) qüvvəsini sınayıb. “Qəbələ” bu çempionatlarda 5 dəfə mükafatçılar sırasına düşüb. “Qırmızı-qaralar”ın hesabında 2 gümüş (2016/17, 2017/18) və üç bürünc (2013/14, 2014/15, 2015/16) medal var.
Arxada qalan 14 mövsümdə komanda 412 matça çıxıb. Bu görüşlərdə 166 qələbə qazanan “Qəbələ” 107 dəfə bir xalla kifayətlənib. “Qırmızı-qaralar” 139 dəfə məğlubiyyətlə üzləşib. 505 qol vuran bölgə təmsilçisi 444 top buraxıb.
| 2006/07 | 24 | 4 | 4 | 16 | 17-47 | 20 | XI yer |
| 2007/08 | 26 | 11 | 3 | 12 | 33-36 | 36 | VI yer |
| 2008/09 | 26 | 9 | 6 | 11 | 28-21 | 33 | X yer |
| 2009/10 | 32 | 13 | 10 | 9 | 36-36 | 49 | VI yer |
| 2010/11 | 32 | 13 | 12 | 7 | 31-18 | 51 | VII yer |
| 2011/12 | 32 | 15 | 7 | 10 | 43-32 | 52 | V yer |
| 2012/13 | 32 | 10 | 8 | 14 | 32-40 | 38 | VI yer |
| 2013/14 | 36 | 18 | 7 | 11 | 48-36 | 61 | III yer |
| 2014/15 | 32 | 15 | 9 | 8 | 46-35 | 54 | III yer |
| 2015/16 | 36 | 16 | 11 | 9 | 44-28 | 59 | III yer |
| 2016/17 | 28 | 14 | 10 | 4 | 46-21 | 52 | II yer |
| 2017/18 | 28 | 14 | 7 | 7 | 43-26 | 49 | II yer |
| 2018/19 | 28 | 9 | 9 | 10 | 31-33 | 36 | IV yer |
| 2019/20 | 20 | 5 | 4 | 11 | 25-35 | 19 | VIII yer |
| Cəmi | 412 | 166 | 107 | 139 | 505-444 | 605 |
Komanda evdə və səfərdə eyni sayda – 206 oyun keçirib. Öz meydanında 94 qələbəsi olan “qırmızı-qaralar” 54 dəfə heç-heçə edib. 58 dəfə uduzan “Qəbələ” qonaqların qapısından 269 top keçirib və 186-nı buraxıb. Səfərdə 72 dəfə üç xal əldə edən kollektiv rəqib meydanlarında 53 sülhə imza atıb. 81 dəfə səfərdən xalsız dönən “Qəbələ” 236 qol vurub, 258-ni buraxıb.
Bu 14 mövsümdə “Qəbələ”nin formasını 232 futbolçu geyinib. Onlardan altısı 100 matç səddini arxada qoyub: Urfan Abbasov – 177, Dodo – 131, Dmitri Bezotosnı – 117, Viktor Mendi – 112, Elvin Camalov – 111, Asif Məmmədov – 105.
“Qəbələ”nin qolların 106 futbolçu vurub. 13 dəfə isə rəqib oyunçular avtoqol müəllifi olub. Komandanın Premyer Liqadakı bombardiri Viktor Mendidir – 29 qol. Dodo 23, Baqali Dabo 20 dəfə rəqib qapısına yol tapıb. İlk “beşlik”də hərəyə 16 dəfə fərqlənən Yannik Kamanan və Filip Ozobiç də yer alıb.
“Qırmızı-qaralar”a Premyer Liqadakı 14 mövsümdə 10 baş məşqçi rəhbərlik edib. Ramiz Məmmədov 118, ukraynalı Roman Qriqorçuk isə 108 matçda bu postda olub.
“Qəbələ” 14 mövsüm ərzində 24 müxtəlif rəqiblə qarşılaşıb.
“Qəbələ” 7 dəfə mövsümə qələbə ilə başlayıb. Startda 4 heç-heçəsi olan komanda 3 dəfə ilk matçını uduzub:
05.08.2006. Gilan (Qəbələ) – İnter (Bakı) – 0:0
11.08.2007. Standard (Bakı) – Qəbələ – 0:1
09.08.2008. Qəbələ – Muğan (Salyan) – 4:1
16.08.2009. Qəbələ – Simurq (Zaqatala) – 2:1
07.08.2010. Xəzər Lənkəran – Qəbələ – 1:0
07.08.2011. Qəbələ – Bakı – 0:0
04.08.2012. Simurq (Zaqatala) – Qəbələ – 1:1
02.08.2013. Bakı – Qəbələ – 1:2
10.08.2014. İnter (Bakı) – Qəbələ – 4:0
10.08.2015. Qəbələ – Qarabağ (Ağdam) – 2:2
08.08.2016. Qəbələ – Kəpəz (Gəncə) – 2:0
12.08.2017. İnter (Bakı) – Qəbələ – 1:2
12.08.2018. Qəbələ – Səbail (Bakı) – 3:0
17.08.2019. Qəbələ – Sumqayıt – 0:2.
