“Qəbələ”də yeni müqavilə
18.05.2023 , 13:43
“Qəbələ” İdman Klubu tibbi tərəfdaşı “West Hospital” klinikası ilə müqavilənin müddətini uzadıb.
Korner.az xəbər verir ki, tərəflər arasında əməkdaşlıqla bağlı yeni razılaşma 2023/24 mövsümünü əhatə edir.
Bu gün müqavilənin uzadılması ilə bağlı mərasim təşkil olunub. Tədbirdə “West Hospital”ın baş meneceri Coşqun Həşimov, “Qəbələ”nin baş meneceri Nail Kərimov, media və marketinq meneceri Anar Hacıyev iştirak edib.
Müqaviləyə əsasən, “West Hospital”ın loqosu “Qəbələ”nin əsas komandasının formasının qolunda əks olunacaq. Klubun stadionunda və mətbuat konfransı zalında da loqo yer alacaq.
Xatırladaq ki, “West Hospital” 2022-ci ilin yanvarından “Qəbələ”nin tərəfdaşıdır.
