“Qəbələ” tarixində 5-ci dəfə
28.04.2023 , 10:56
“Qəbələ” tarixində 5-ci dəfə Azərbaycan kubokunun finalına yüksəlib.
Korner.az xəbər verir ki, Elmar Baxşıyevin yetirmələri yarımfinalın hər iki oyununda “Səbail”ə qalib gəlməklə buna nail olub – 3:2, 1:0.
“Qırmızı-qaralar” kuboku başı üzərinə qaldırdığı 2018/19 mövsümündən sonra ilk dəfə finalda oynayacaq. Sonrakı üç mövsümdən biri yarımçıq dayandırıbsa, ikisində komandamız həlledici matça qədər mübarizəni dayandırıb.
“Qəbələ” kubok qazanana qədər daha üç dəfə finalın iştirakçısı olub. “Qırmızı-qaralar” 2013/14, 2016/17 və 2017/18 mövsümlərində yarımfinalı uğurla adlayıb.
İyunun 3-də “Bakcell Arena”da keçiriləcək final görüşündə Elmar Baxşıyevin yetirmələrinin rəqibi “Neftçi” olacaq.
