Azərbaycan Premyer Liqasının XVII turu çərçivəsində dekabrın 18-də Sumqayıtda eyniadlı komanda ilə üz-üzə gələcək “Qəbələ” matçın hazırlıqlarına start verib.
Korner.az-ın klubun saytına istinadən məlumatına görə, “Qarabağ”la oyundan sonra bir gün istirahət edən, ardından isə Bakıya üz tutan komanda dekabrın 16-dan məşq prosesini bərpa edib.
Hazırlıqlarını paytaxtda keçən “Qəbələ” istirahətdən sonra ilk məşqini ADBTİA-nın stadionunda keçirib. Məşqə əməliyyat olunan Ruslan Əmircanovla yanaşı, zədəli Viktor Mendi və Vladimir Levin də qatılmayıb. Bu gün də Bakıda məşq edəcək komanda matçın hazırlığını “Bayıl Arena”da tamamlayacaq.
Qeyd edək ki, “Sumqayıt” – “Qəbələ” qarşılaşması dekabrın 18-i, saat 15:00-da başlayacaq.
