Sloveniyada təlim-məşq toplanışında olan “Qəbələ” klubu hazırlıq çərçivəsində ilk sınaq oyununu keçirib.
Korner.az-ın klubun rəsmi saytına istinadən verdiyi məlumata görə, “qara-qırmızılar” Sloveniyanın III liqa təmsilçisi “Stoynitsa” klubu ilə üz-üzə gəlib.
Matçın taleyini bir qol həll edib. Nizami Hacıyev qarşılaşmanın 76-cı dəqiqəsində topu rəqib qapısına göndərib. Beləliklə, “Qəbələ” Sloveniya toplanışı çərçivəsində keçirdiyi ilk oyunda 1:0 hesablı qələbə qazanıb.