“Qəbələ” səs-küylü transfer həyata keçirməyi planlaşdırır.
Korner.az-ın klubun rəsmi saytına istinadən verdiyi məlumata görə, “Qəbələ”
İdman Klubu peşəkar futbolçu Marat İzmaylovun icarə əsasında kluba keçidi
üçün Portuqaliyanın “Portu” klubu və futbolçu ilə danışıqlara
başlanıldığını bildirir.
Qeyd edək
ki, Moskvanın “Lokomotiv” klubunun yetirməsi olan İzmaylov Rusiya
millisinin heyində 35 oyun keçirib. 2007-ci ildən karyerasını Portuqaliyada
davam etdirən futbolçu öncə “Sportinq” daha sonra “Portu”
klubunda çıxış edib.
Danışıqların
gedişatı ilə bağlı mətbuata məlumat veriləcək.