Bu gün Premyer Liqanın XIX turuna yekun vurulub.
Korner.az-ın məlumatına görə, ikinci oyun günündə 4 qarşılaşma baş tutub.
Günə "Bakı" – "Rəvan" oyunu ilə start verilib. "Bakı"nın təlim-məşq bazasının stadionunda keçirilən qarşılaşma saat 13.30-da başlayib.
Bundan 30 dəqiqə sonra "Neftçi" – "Simurq" qarşılaşması start götürüb. Əslində bu oyun "Bakcell Arena"da keçirilməli və saat 15.30-da başlamalı idi. Lakin həmin stadion qardan təmizlənmədiyindən matç İsmət Qayıbov adına Bakıxanov qəsəbə stadionuna keçirilib.
Saat 14.30-da "Sumqayıt" – "Qəbələ" oyunu başlayib. Bu oyun dünən keçirilməli olsa da, qar səbəbindən bu günə təyin olunub.
Günə və tura "Şəfa" stadionunda yekun vurulub. Bu qarşılaşmda "İnter" AZAL-ı qəbul edib. Matç saat 17.00-da başlayib.
Qeyd edək ki, turun bir oyunu dünən keçirilib və "Xəzər Lənkəran" "Qarabağ"ı udub – 1:0.
Premyer Liqa
2013/2014 mövsümü
III dövrə, XIX tur
2 fevral
Bakı – Rəvan 5:1
Qol: Cavid Hüseynov (p), 10; Risto Ristoviç, 20; Xavyer Junior Vilson, 49; Rauf Əliyev, 67; Aleksandr Şoliç, 80 // Tyaqo de Souza Berezza, 90
Hakimlər: Ömər Paşayev, Mübariz Haşımov, Elman Musayev, Teymur Fərhadov.
Əlavə köməkçi hakimlər: Rəhim Həsənov, Alik Yunusov.
AFFA nümayəndəsi: Rauf Əmirov.
Hakim-inspektor: Məhəmməd Məmmədov.
"Bakı"nın təlim-məşq bazasının stadionu, əsas meydança. Saat 13.30.
Neftçi – Simurq 3:0
Qol: Ernest Nfor, 60, 85; Cavid imamverdiyev, 70
Hakimlər: Əliyar Ağayev, Zeynal Zeynalov, Vaqif Musayev, Ramiz Məhərrəmov.
Əlavə köməkçi hakimlər: Elvin Əsgərov, İnqilab Məmmədov.
AFFA nümayəndəsi: Qürbət Həsənov.
Hakim-inspektor: Əhmədağa Cabbarov.
İsmət Qayıbov adına Bakıxanov qəsəbə stadionu. Saat 14.00.
Sumqayıt – Qəbələ 0:3
Qol: Viktor Mendi, 3; Lorenzo Ebesilio, 51; Leonardo da Silva, 57
Hakimlər: Rəhim Həsənov, Yaşar Abbasov, Akif Əmirəli, Ziya Nəsirov.
AFFA nümayəndəsi: Oqtay Abdullayev.
Hakim-inspektor: Şahin Cəfərov.
"Bayıl Arena". Saat 14.30.
İnter – AZAL 2:1
Qol: Abdulla Abatsiyev, 6; Ruslan Əmircanov, 84 // Nedo Turkoviç, 49
Hakimlər: Fariz Yusifov, Namiq Hüseynov, Knyaz Əmiraslanov, Nail Nağıyev.
AFFA nümayəndəsi: Məmmədəli Məmmədov.
Hakim-inspektor: Kərim Ağayev.
"Şəfa" stadionu. Saat 17.00.
