“Qəbələ” və “Neftçi”dən heç-heçə
03.04.2022 , 19:36
Bu gün Azərbaycan Premyer Liqasında 21-ci tura yekun vurulub.
Korner.az xəbər verir ki, son oyun günündə 2 matç keçirilib.
Əvvəlcə “Qəbələ” öz meydanında “Keşlə” ilə qarşılaşıb və bərabərə qalıb – 1:1.
Digər oyunda isə “Zirə” “Neftçi”nin qonağı olub. Bu görüş də eyni hesabla başa çatıb. Oyunun sonları isə dramatik məcrada keçib. “Zirə” matçın 88-ci dəqiqəsində hesabı açıb. Meydan sahibləri isə 90+5-də penaltidən bərabərlik qolunu vurub.
Görüşün baş hakimi İnqilab Məmmədov oyun ərzində hər iki komandanın 1 futbolçusuna qırmızı vərəqə göstərib. Bundan başqa, “Zirə”də ehtiyat oyunçular skamyasında yer alan Ağabala Ramazanov da qırmızı vərəqə ilə cəzalandırılıb. Referinin bəzi qərarları komandaların böyük etirazına səbəb olub.
