Dünən "Bayıl Arena"da "Qəbələ" və "Neftçi İSM-Siyəzən" klubları arasında keçirilmiş final oyunu ilə U-13 Liqanın 2013/2014-cü il mövsümünə yekun vurulub.
Korner.az-ın məlumatına görə, rəqibini 2 cavabsız topla məğlub edən "Qəbələ" komandası turnirin qalibi adına yiyələnib.
Oyun başa çatdıqdan sonra mükafatlandırma mərasimi keçirilib. Mükafatları AFFA-nın baş katibinin müavini Sərxan Hacıyev, veteran futbolçu Nazim Süleymanov və Azərbaycan milli komandasının üzvü Ruslan Abışov təqdim edib.