“Qələbəyə yaxın idik” – Vüqar Əsgərli
21.04.2023 , 22:23
Premyer Liqanın 31-ci turunda keçirilən “Şamaxı” – “Kəpəz” oyunundan (1:1) sonra meydan sahiblərinin baş məşçisi Vüqar Əsgərlinin mətbuat konfransı keçirilib.
Korner.az xəbər verir ki, mütəxəssis oyunu belə şərh edib:
“Ötən dövrənin yüksəlişdə olan komandasına qarşı oynayırdıq. Rəqibin heyətində yaxşı futbolçular var. “Kəpəz”in sürətli, texnikalı oyunçularına qarşı layiqincə mübarizə apardıq. Təəssüf ki, qalib gələ bilmədik. Amma qələbəyə yaxın idik. Futbolçularımıza təşəkkürümüzü bildiririk. Sona qədər mübarizə aparacağıq ki, gənc, istedadlı gənclərimizi Premyer Liqada saxlayaq. Azarkeşlərimiz də oyuna gəlmişdi. Onlara təşəkkür edirəm. Ev oyunlarında bizi tək qoymasınlar, sayları çox olsun. Çünki komandamız Premyer Liqada qalmağa layiqdir. Bu gün “Şamaxı” qələbəyə layiq idi. İki xal itirdiyimizi düşünürəm. Amma bir xal da pis deyil”.
