“Qəbələ”də itkilər
01.10.2023 , 10:51
“Qəbələ” Azərbaycan Premyer Liqasının VIII turunun bu gün keçiriləcək oyununda “Kəpəz”lə qarşılaşacaq. Matç Gəncə şəhər stadionunda baş tutacaq.
Korner.az xəbər verir ki, səfər görüşünün hazırlığında “qırmızı-qaralar”ın 5 futbolçusu iştirak etmir. VII turun “Qarabağ”la ev qarşılaşmasında (1:2) zədə aldığı üçün əvəzlənən Gilad Abramov bərpa prosesi keçir. Onun bir həftədən sonra komandaya qoşulacağı gözlənilir. Dizindən zədələnən qapıçı Kristof Atanqana da komanda ilə məşqlərə qatılmır. Urfan Abbasov, Asif Məmmədov və Feras Abu Akal isə bərpa prosesini davam etdirirlər.
Bu gün Gəncə şəhər stadionunda keçiriləcək “Kəpəz” – “Qəbələ” görüşü saat 16:00-da başlayacaq.
