“Qəbələ” yoxlama matçı keçirəcək
20.01.2025 , 10:30

Mövsümün ikinci hissəsinə hazırlığını davam etdirən “Qəbələ” ikinci yoxlama oyununu yanvarın 23-də keçirəcək.
Korner.az xəbər verir ki, bölgə təmsilçisi “Qaradağ Lökbatan”la qarşılaşacaq.
Matç Binə qəsəbə stadionunda baş tutacaq.
Qarşılaşmaya 13:30-da start veriləcək.
Hazırlığa yanvarın 9-da start verən Kaxaber Sxadadzenin baş məşqçisi olduğu komanda ilk yoxlama oyununda “Mingəçevir”ə 4:0 hesabı ilə qalib gəlib.
