Bu gün Avropa Liqasının III təsnifat mərhələsinin püşkü atılıb.
Korner.az-ın məlumatına görə, İsveçrənin Nyon şəhərində keçirilən tədbirdə təmsilçilərimizdən "İnter" və "Qəbələ"nin növbəti mərhələdəki potensial rəqibləri müəyyənləşib.
“Qəbələ” "Çukariçki" səddini keçə bilsə, "Apollon" (Kipr) – "Trakay" (Litva) cütünün qalibi ilə qarşılaşacaq.
“İnter” isə səfərdə 2:1 hesabı ilə qalib gəldiyi "Hafnarfyordur"u keçsə, III təsnifat mərhələsində İspaniyanın “Atletik” (Bilbao) klubu ilə üz-üzə gələcək.
