“Qəbələ” Rumıniyanın “Otselul” klubundan transfer etdiyi braziliyalı hücumçu Markinyos Kariokanın keçidini rəsmiləşdirib.
Korner.az-ın məlumatına görə, FİFA 22 yaşlı futbolçunun transfer vərəqəsini artıq kluba göndərib. O, “Qəbələ”nin Topaz Premyer Liqasının II turunda “Araz-Naxçıvan”a qarşı keçirəcəyi oyunda meydana çıxa bilər.
Qeyd edək ki, “Qəbələ” – “Araz Naxçıvan” oyunu avqustun 17-də saat 20:00-da Qəbələ şəhər stadionunda baş tutacaq.
