Avropa Liqasının qrup mərhələsində çıxış edəcək “Qəbələ” növbəti transferini həyata keçirməyi düşünür.
Korner.az-ın məlumatına görə, bu haqda İsveç mətbuatı yazıb.
Komanda “Erebru”un yarımmüdafiəçisi Erik Martin Broberq üçün təklif göndərib.
Ancaq bu təklif İsveç klubu tərəfindən müsbət qarşılanmayıb. Səbəb klubun “Qəbələ”nin təklif etdiyi məbləğdən iki qat artığını- 2-3 milyon kron (təqribən 25 min- 35 min dollar) istəməsidir.
“Erebru”nun idman direktoru Maqnus Skoldmark danışıqların detallarını barədə danışmaq istəməyib.
Erik Martin Broberq 2015-ci ilin yayından “Erebru”da çıxış edir.
