“Qəbələ” – “Dinamo” matçının hakimləri müəyyənləşdi

UEFA Gənclər Liqasının Çempionlar yolunun I mərhələsi çərçivəsində keçiriləcək “Qəbələ” ilə “Dinamo” (Moskva) arasındakı cavab matçının hakim təyinatları açıqlanıb.

Korner.az-ın məlumatına görə, Rusiyada keçiriləcək ikinci oyunu moldovalı hakimlər briqadası idarə edəcək.

Oktyabrın 19-da baş tutacaq matçın baş hakimi Dimitru Muntian olacaq. Onun köməkçiləri isə həmyerliləri Vyaçeslav Sivaçev və Anatoli Basyuk olacaq. Oyunun dördüncü hakimi funksiyasını rusiyalı Yuri Baskakov yerinə yetirəcək.