“Qəbələ”nin 16 yaşadək futbolçulardan ibarət komandası iyunda beynəlxalq turnirə qatılacaq
Praqada təşkil ediləcək “Ulduzlar Kuboku 2018”in bəzi iştirakçıları artıq müəyyənləşib.
“Qəbələ” ilə yanaşı, Avropa nəhəngləri “Barselona”, PSJ, “Porto”, “Beşiktaş” və “Zenit”in də 2002-ci il təvəllüdlü futbolçularının turnirdə yarışacaqları artıq dəqiqləşib. Digər 10 komandanın kimliyi isə hələ bəlli deyil. Bütün iştirakçılar bilindikdən sonra püşkatma mərasimi keçiriləcək və qrupların tərkibləri müəyyənləşəcək.
Qeyd edək ki, “Ulduzlar Kuboku 2018” turniri 15-17 iyun tarixlərində baş tutacaq.
