“Püşkdən sonra bir qədər qarışıq hisslər keçirdim. Həyəcanlı idim. Bu da uzaq yol gəlməyimlə bağlı ola bilər. “İnter”i ətraflı analiz etməyə çalışacağıq”.
Korner.az-ın məlumatına görə, bu sözləri “Mariehamn” klubunun prezidenti Robert Söderal Finlandiya mətbuatına açıqlamasında deyib.
Klub başçısı daha sonra sözlərinə belə davam edib:
“Təbii ki, rəqibə hörmətlə yanaşırıq. “İnter” sırf idman klubudur. Yaxşı oyunçulara malikdirlər. Ancaq “İnter”i keçmək mümkünsüz deyil. Sadəcə, komandamızın bir qədər bərkiməsi və güclənməsi gərəkir”.
Qeyd edək ki, bu komandalar arasında ilk oyun iyulun 4-də, cavab görüşü isə bir həftə sonra keçiriləcək.`
