Bu gün Çempionlar Liqasının III təsnifat mərhələsinin püşkatma mərasimi keçirilib.
Korner.az-ın məlumatına görə, Bakı vaxtı ilə saat 15:00-da başlayan püşkatma zamanı təmsilçimiz "Neftçi"nin də rəqibinin adı bəlli olub.
Paytaxt təmsilçimiz II mərhələnin ilk oyununda "Dalğa Arena"da Gürcüstam "Zestafoni"sini 3 cavabsız qolla məğlub etdi. "Ağ-qaralar" böyük ehtimalla III tura vəsiqəni təmin ediblər. Bu komandalar arasında cavab görüşü iyulun 24-də Gürcüstanda keçiriləcək. Bununla da "Neftçi"nin III turdakı rəqibi də elə güclü olmayacaq. Daha dəqiq desək "Flaqman" "Jilina" (Slovakiya" – "İrona Kiryat" cütünün qalibi ilə üzləşəcək. İlk oyunda Slovaklar evdə 1:0 hesabı ilə qalib gəliblər.
Xatıradaq ki, "Neftçi"nin bəxtinə, Şotlandiyanın məşhur "Seltik", İsveçrənin "Bazel" və bizə yaxşı tanış olan Zaqreb "Dinamo"su da düşə bilərdi.
Qeyd edək ki, III təsnifat mərhələsinin oyunları 31 iyul – 1 avqust və 7-8 avqust tarixlərində keçiriləcək
Çempionlar
1. “Maribor” (Sloveniya) – “Jelezniçar” (Bosniya və Herseqovina) cütünün qalibi – BATE (Belarus) – “Vardar” (Makedoniya) cütünün qalibi
2. ÇFR (Rumıniya) – “Slovan” (Çexiya) – “Şaxtyor” (Qazaxıstan) cütünün qalibi
3. “Anderlext” (Belçika) – “Şemrok Rovers” (İrlandiya) – “Ekranas” (Litva) cütünün qalibi
4. “Buduçnost” (Çernoqoriya) – “Şlask” (Polşa) cütünün qalibi – TNS (Uels) – “Helsinqborq” (İsveç) cütünün qalibi
5. “Skenderbeu” (Albaniya) – “Debretsen” (Macarıstan) cütünün qalibi – “Dudelanj” (Lüksemburq) – “Zalsburq” (Avstriya) cütünün qalibi
6. “Uliss” (Ermənistan) – “Şerif” (Moldova) cütünün qalibi – “Ludoqorets” (Bolqarıstan) – “Dinamo” (Xorvatiya) cütünün qalibi
7. “Seltik” (Şotlandiya) – HİK (Finlandiya) – “Reykyavik” (İslandiya) cütünün qalibi
8. “Molde” (Norveç) – “Ventspils” (Latviya) cütünün qalibi – “Flora” (Estoniya) – “Bazel” (İsveçrə) cütünün qalibi
9. “Jilina” (Slovakiya) – “Hapoel” (Kiryat, İsrail) cütünün qalibi – “Neftçi” (Azərbaycan) – “Zestafoni” (Gürcüstan) cütünün qalibi
10. “Valletta” (Malta) – “Partizan” (Serbiya) cütünün qalibi – AEL (Kipr) – “Linfild” (Şimali İrlandiya) cütünün qalibi
Qeyri-çempionlar
1. “Dinamo” (Ukrayna) – “Feyenoord” (Hollandiya)
2. “Fənərbaxça” (Türkiyə) “Vaslui” (Rumıniya)
3. “Mozervell” (Şotlandiya) – “Panatinaikos” (Yunanıstan)
4. “Kopenhagen” (Danimarka) – “Brügge” (Belçika)
Qeyd edək ki, III mərhələdə ilk oyunlar iyulun 31-də, cavab oyunları 1 həftə sonra keçiriləcək.