Pulişiç yenidən Premyer Liqaya qayıda bilər
09.02.2026 , 21:27
“ Milan”ın cinah oyunçusu Kristian Pulişiç karyerasını yenidən İngiltərə Premyer Liqasında davam etdirə bilər.
Korner.az xarici KİV-ə istinadən xəbər verir ki, London təmsilçisi “Tottenhem” amerikalı futbolçunu heyətinə qatmaq niyyətindədir.
Xəbərdə bildirilir ki, İtaliya klubu yay transfer pəncərəsində 27 yaşlı vingerlə yollarını təxminən 55 milyon avro qarşılığında ayırmağa razıdır. Pulişiç 2023-cü ilin yayında “Çelsi”dən “Milan”a transfer olunmuş və bu keçid üçün 20,8 milyon avro ödənilmişdi.
Cari mövsüm stabil çıxışı ilə diqqət çəkən futbolçu bütün turnirlərdə 20 matçda 10 qol və 2 assistlə yadda qalıb. Onun “Milan”la müqaviləsi 2027-ci ilin ortalarınadək qüvvədədir.
