“Bavariya”nın hücumçusu Robert Levandovski komandasının Çempionlar Liqasının qrup mərhələsində vəziyyəti barədə danışıb.
Polşalı forvard son tur PSJ üzərində böyükhesablı qələbə qazana biləcəklərini deyib:
“Hər zaman birinci yeri tutmaq üçün çalışmaq lazımdır. Təbii ki, bunun üçün şans varsa. Biz PSJ-yə 4:0 hesabı ilə qalib gəlməliyik. Bu, mümkündür.
Təbii ki, lazımi nəticəni qazanmaq çox çətin olacaq. Amma Münhendə, “Alyans Arena”da hər şey mümkündür”.
Qeyd edək ki, “Bavariya” hazırda 3 xal geri qaldığı PSJ-yə səfərdə 0:3 hesabı ilə uduzub. Bu səbəbdən də Münhen klubu qrup qalibi olmaq üçün Fransa təmsilçisini 4 top fərqi ilə üstələməlidir.
