PSJ Vitinyanı satmaq niyyətində deyil
02.02.2026 , 13:00
PSJ “Real”ın marağına baxmayaraq, yarımmüdafiəçisi Vitinyanı komandada saxlayacaq.
Korner.az xarici KİV-ə istinadən xəbər verir ki, klub prezidenti Nasser Əl-Xələfi portuqaliyalı futbolçunu komandanın əsas fiquru və əvəzsiz oyunçusu hesab edir.
Daha əvvəl “Real” Vitinyanın transferini nəzərdən keçirsə də, PSJ ilə danışıqlarda çətinliklərin yarana biləcəyini anlayıb.
Vitinya 2022-ci ilin yayında “Portu”dan PSJ-yə transfer olunub və onun müqaviləsi 2029-cu ilin yayına qədər qüvvədədir.
