PSJ penaltilərlə Qitələrarası Kubokun qalibi oldu
18.12.2025 , 09:30
FIFA Qitələrarası Kuboku çərçivəsində Fransanın PSJ və Braziliyanın “Flamenqo” klubları üz-üzə gəlib.
Korner.az xəbər verir ki, Qətərdə keçirilən qarşılaşmanın əsas və əlavə vaxtında qalib müəyyənləşməyib – 1:1.
Penaltilər seriyasında daha soyuqqanlı olan Paris təmsilçisi 2:1 hesabı ilə üstün gələrək kuboku qazandı. Bununla da PSJ tarixində ilk dəfə bu titula sahib çıxdı.
Qolları PSJ-dən Xvaratsxeliya (38-ci dəq.), “Flamenqo”dan isə Jorjiny (62-ci dəq.) vurub.
