Fransa 1-ci Liqasında mübarizə aparan PSJ-nin gələn mövsüm üçün iki böyük hədəfi açıqlanıb.
Korner.az-ın məlumatına görə, Paris təmsilçisi yayda Pyer-Emerik Obameyanq və Aleksis Sançesin transferini reallaşdırmaq istəyir.
“Le Parisien” qəzetinin yaydığı xəbərə əsasən, PSJ afrikalı oyunçuya illik 12 milyon avro maaş, “Borussiya”ya (Dortmund) isə 70 milyon avro təklif edəcək.
“Qırmızı-mavilər” Obameyanqdan başqa Aleksis Sançesi də transfer siyahısına salıb. Qeyd edilir ki, PSJ yayda yalnızca bu iki transferi reallaşdırmağa çalışacaq.
Xatırladaq ki, “Sent-Etyen”dən “Borussiya”ya keçən hücumçu 125 Bundesliqa matçında 81 qol vurub.
