PSJ koronavirus testindən keçdi
24.06.2020 , 16:34
PSJ-də futbolçular və məşqçi heyəti koronavirus testindən keçiblər.
Korner.az xəbər verir ki, bu barədə klubun rəsmi saytı məlumat yayıb. Testlərin nəticəsinə əsasən, 3 futbolçunun və məşqçilər heyətində 1 nəfərin daha öncə koronavirusa yoluxduğu müəyyənləşib.
Hazırda onların tam sağaldığı, virus daşıyıcısı olmadığı və məşqlərə davam edəcəyi qeyd olunub.
PSJ koronavirusa görə vaxtından əvvəl başa çatdırılan Fransa çempionatının 2019/20 mövsümünün qalibi elan olunub.
