PSJ-nin ulduz futbolçuları Neymar və Kavani arasında insident yaşanıb. Oyunçular Fransa çempionatı çərçivəsində keçirilən “Lion”la oyunda (2:0) cərimə zərbəsi və penaltini vurmaqla bağlı mübahisə ediblər.
Fransanın L`Equipe nəşri iddia edir ki, Kavani və Neymarın mübahisəsi oyundan sonra soyunubgeyinmə otağında da davam edib. PSJ-li futbolçular Markinyos və Tiaqo Silva onların dalaşmasının qarşısını alıb.
Neymar bu hadisədən sonra şəxsi İnstaqram hesabında Kavanini izləmədən çıxarıb. Uruqvaylı hücumçu isə braziliyalı ilə heç bir probleminin olmadığını açıqlayıb.
