Azərbaycan millisinin baş məşqçisi Robert Prosineçki daha bir komandanın maraq dairəsinə düşüb. Xorvatiyalı mütəxəssis yenidən bu ölkədə çalışa bilər.
Belə ki, Mustafa Reşit Akçayla yollarını ayıran “Konyaspor”un gündəmində olan mütəxəssislərdən biri də məhz Prosineçkidi. Mövsümə uğursuz start götürən Konya təmsilçisi Superliqanın IX turunda “Kayserispor”a məğlubiyyətdən sonra (2:1) Akçayla vidalaşıb.
Dərhal axtarışa başlayan konyalıların baş məşqçi postuna 6 namizəd var. Bunlar Prosineçki ilə yanaşı, Ertuğrul Sağlam, Ersun Yanal, Hamza Hamzaoğlu, Yılmaz Vural və Bülent Uyğundui. Türkiyə təmsilçisinin ilk hədəfi Sağlam və Prosineçkidi.
