Millimizin artıq sabiq baş məşqçisi olan Robert Prosineçkinin yeni iş yer haqda yeni məlumat yayılıb
Xorvaityalı çalışdırıcının Serbiya yığmasına təyin ediləcəyi gözlənilir.
Bu haqda məlumatı Serbiya mətbuatı yayıb. Komandanı DÇ-2018-ə yüksəldən Slavolyub Muslinin yığmanı çalışdırmaq şansının demək olar olmadığı bildirilir. Milliyə əsas namizəd kimi Draqan Stoykoviç və Prosineçkinin adı çəkilir. Amma Stoykoviç hazırda Çin çempionatında yüksək məvacib qarşılığında çalışdığından onun yığmaya təyinatı elə də real görünmür.
Qeyd edək ki, 2014-cü ilin dekabrından yığmamızı çalışdıran Prosineçki 4 gün əvvəl postunu tərk etmişdi.
