Topaz Premyer Liqasının XIV turu çərçivəsində "Kəpəz" doğma meydanda "Xəzər Lənkəran"ı qəbul edib və minimal hesabla rəqibinə məğlub olub.
Korner.az-ın məlumatına görə, Gəncə təmsilçisinin baş məşqçisi məğlubiyyəti belə şərh edib:
"Komandamın oyunu heç xoşuma gəlmədi. Həmişəki kimi qapıçımızın səhvindən sonra qapımıza 11 metrlik cərimə zərbəsi təyin olundu. Əsasən gənc futbolçulara üstünlük verdim. Premyer Liqada oynayan futbolçular bilməlidilər ki, burada güzəşt yoxdur. Futbolçular vuruşmalı və özlərini göstərməlidirlər. Komandam axırıncı yerdədir, ev oyununda heç məğlub olmaq istəməzdim. İlk hissədə yaxşı oynamadıq, 2-ci hissədə isə futbolçular çalışdılar, qol epizodları yaratdılar, təəssüf ki, istifadə edə bilmədik”.
