Premyer Liqa nəhəngləri “Leyptsiq”in hücumçusu uğrunda mübarizə aparır
10.10.2025 , 23:00
Almaniyanın “Leyptsiq” klubunun gənc hücumçusu Kastello Lukeba İngiltərə nəhənglərinin maraq dairəsinə düşüb.
Korner.az xəbər verir ki, fransalı futbolçunun transferi uğrunda “Liverpul”, “Çelsi”, “Mançester Yunayted” və “Nyukasl” mübarizə aparacaq.
22 yaşlı hücumçu cari mövsümdə bütün turnirlərdə 7 oyuna çıxıb və 1 məhsuldar ötürmə ilə yadda qalıb. Onun “Leyptsiq”lə müqaviləsi 2029-cu ilin yayına qədər qüvvədədir.
Qeyd edək ki, “Qarabağ”ın UEFA Çempionlar Liqasındakı rəqibləri olan “Liverpul” və “Çelsi”nin hədəfində olan Lukebanın bazar dəyəri “Transfermarkt” məlumatına görə 40 milyon avro təşkil edir.
