Bu gün Azərbaycan Premyer Liqasında 2012/13 mövsümünə start verilib.
Korner.az-ın məlumatına görə, ilk oyun günündə 3 qarşılaşma baş tutub.
Premyer Liqanın start fiti Gəncə şəhər stadionunda çalınıb. Əliyar Ağayevin idarə etdiyi matçda. "Kəpəz" "qərb derbisi"ndə "Turan"la qarşılaşıb. Matç 2:1 hesabı ilə Tovuz təmsilçisinin qələbəsi ilə başa çatıb.
Digər bir matç isə Sumqayıtda baş tutub. 18:30-da start götürən oyunda, yerli "Sumqayıt" – AZAL-ı qəbul edib. Hərəyə 2 dəfə fərqlənən komandalar meydandan 2:2-lik heç-heçə ilə ayrılıblar.
Günün üçüncü qarşılaşması isə Zaqatalada oynanılıb. Burada yerli "Simurq" komandası Qəbələnin eyni adlı klubunu sınağa çəkib. Qarşılıqlı hücumlar şərayitində keçən matçda tərəflər 1:1 hesablı heç-heçəyə razı olublar.
4 avqust
18:30 "Kəpəz" – "Turan" 1:2
Qollar: İrakli Beraya (14) // Murad Ağakişiyev (39), Azər Məmmədov (75)
Baş hakim: Əliyar Ağayev
Gəncə. Şəhər stadionu
19:00 "Simurq" – "Qəbələ" 1:1
Qollar: Dejan Kelhar (21) // İlkin Qırtımov (66)
Baş hakim: Elçin Məmmədov
Zaqatala. Olimpiya İdman Kompleksinin stadionu
18:30 "Sumqayıt" – AZAL 2:2
Qollar: Cavid Tağıyev (23) // Orxan Əliyev (45), Pərdis Fərcad-Azad // Zoahir Benouahi (72)
Baş hakim: Anar Salmanov
Sumqayıt. Mehdi Hüseynzadə adına şəhər stadionu
Qeyd edək ki, I turun daha 2 oyunu sabah keçiriləcək. Həmin gün saat 20:00-da “Rəvan” – “Xəzər Lənkəran” və “İnter” – “Qarabağ” oyunları keçiriləcək. “Neftçi” – “Bakı” isə təxirə salınıb.