Premyer Liqanın X turu üç futbolçunun cəzalı duruma düşməsi ilə nəticələnib
XI turu buraxmalı olan oyunçulardan ikisi qırmızı, biri sarı vərəqələr üzündən bu duruma düşüb.
“Qarabağ”ın legioneri Ansi Aqolli “Səbail”, “Qəbələ”nin kapitanı Cavid Hüseynov “Zirə” ilə görüşdə meydandan qovulub. Bu üzdən onlar ən azı növbəti turu buraxacaq.
Ansi “Kəpəz”lə səfər matçını, Cavid isə “Səbail”lə ev oyununu buraxacaq.
“Neftçi” ilə səfər qarşılaşmasında sarı vərəqə alan Tural Axundov da cəzalı duruma düşüb. “Sumqayıt”ın üzvü mövsümdə 4-cü dəfə xəbərdarlıq alıb. Bununla da Tural XI turun “Keşlə” ilə qarşılaşmasını buraxmalı olacaq.