Avropa çempionatının yarımfinal mərhələsində Almaniyanı məğlub edən (2:0) İtaliya millisi finala adlayıb. Korner.az-ın məlumatına görə, prineylilərin baş məşqçisi Çezare Prandelli Bundestimlə matçdan sonra keçirilən mətbuat konfransında maraqlı fikirlər səsləndirib:
"Matçın son 15 dəqiqəsində hesabı artırmaq üçün iki gözəl imkan qazandıq. Lakin bundan yararlana bilmədik. Almanların itirəsi bir şeyi qalmadığından irəli atılmışdılar. Biz isə müdafiəyə çəkilməklə hesabı qorumağı düşünürdük. Sonda bir qol buraxsaq da, bu, heç nəyi dəyişmədi.
"Həqiqətən də bu möhtəşəm oyun idi. Qələbə qazanmaq üçün meydanda əlimizdən gələni etdik. Meydanın mərkəzində rəqibə oynamaq imkanı vermədik ki, bu da qələbə qazanmağımıza müsbət təsir göstərdi.
Balotelliyə gəldikdə isə məncə, onun karyerası hələ bundan sonra başlayacaq. Artıq final haqda düşünürük. Əlbəttə, İspaniya hər oyunun favoritidir. Onların təcrübəsinə bələdik. Ancaq biz ispanlarla oyunda sonadək savaşacağıq. Əsas odur ki, biz artıq finala qədər irəliləmişik. Bundan sonra hər kəs İtaliya millisinə hörmətlə yanaşmalıdır".
