Portuqaliyalı yarımmüdafiəçi klubunu dəyişə bilər
20.11.2025 , 13:26
Portuqaliya millisinin yarımmüdafiəçisi Ruben Neveşin Avropaya qayıtmaq ehtimalı artır.
Korner.az xəbər verir ki, 28 yaşlı futbolçu “Arsenal” və “Milan”dan gələn təkliflər arasında seçim edəcək.
Hazırda “Əl-Hilal”ın formasını geyinən Neveşə Səudiyyə Ərəbistanının digər klubu – “Əl-İttihad” da maraq göstərir. Gözləntilərə görə, portuqaliyalı futbolçu yaxın günlərdə yeni mövsümdə hansı komandada çıxış edəcəyinə qərar verəcək.
Neveşin “Əl-Hilal”la müqaviləsi 30 iyun 2026-cı ilədək qüvvədədir. O, daha əvvəl “Porto” və “Vulverhempton” kimi klubların heyətində oynayıb.
