Poqba “Mançester Yunayted”dən ayrılır
27.09.2018 , 17:54
“Mançester Yunayted”in futbolçusu Pol Poqbanın komandan baş məşqçisi Joze Mourinyo ilə münasibətləri qaydasında getmir.
Kapitanlıqdan məhrum olan fransız ulduz klubdan ayrılmaq qərarı verib. İngiltərə mətbuatında yer alan məlumata görə, Mourinyonun xarakterindən təngə gələn 25 yaşlı futbolçu bu yay klubu tərk etmək istəsə də, rəhbərlik onun qarşısını kəsmişdi. Lakin bu dəfə Poqba israrlıdı. O, agenti Mino Rayolanın transfer məsələsiylə məşğul olmasını istəyib. Xəbərdə Poqba ilə “Yuventus” və “Barselona”nın maraqlandığı qeyd edilib.
Qeyd edək ki, Poqba 2016-cı ildə “qırmızı şeytanlar”a 2016-cı ildə “Yuventus”dan 105 milyon avroya transfer olmuşdu.
