Avropa liqası

Polşalı jurnalistlər Lənkəranda… “Stadion balacadı…”

19.07.2012 , 13:58

Bakı vaxtilə 20.00-da Lənkəranda start fiti səslənəcək "Xəzər Lənkəran" – "Lex" qarşılaşmasını izləyənlər arasında polşalı jurnalistlər də var.

Korner.az-ın Lənkərana ezam olunmuş əməkdaşı onlardan biri ilə – Polşanın "Merkuri" radiosunun əməkdaşı Qreqorj Halasikdən qarşılaşmaöncəsi fikirlərini öyrənib. Əcnəbi həmkarımız qarşılaşmanın 1:1 və ya 2:2 hesabı ilə bitəcəyini düşünür: "Lex" burda qol vursa, mərhələ adlamaq şansını artıracaq. Komandamızın futbolçusu Rubnets Almaniya "Hamburq"una transfer olunduğundan, müdafiə xətti bir qədər zəifləyib. İndi heyətdə əksəriyyət yerli oyunçulardı. Çoxdandı Azərbaycan futbolu haqda Avropa mediasında məlumat yoxdu. Eşitdiyimə görə, futbolunuzun səviyyəsi ilbəil artır".

"Lex"in "Xəzər Lənkəran" və "İnter"i vaxtilə məğlub etdiyini deyən Halasik Lənkəran stadionunu tərifləyib, ancaq… "Stadionun yalnız ölçüləri məni qane etmədi, çox kiçikdi. Burda hava çox istidi. İnternetdən oxudum ki, buranın fanatları çox çılğındılar. Polşadan 31 azarkeş gəlib. Azərbaycana viza 60 avrodu. Məncə, çox bahadı və inanıram ki, burakı səfirimiz bu məsələdə müəyyən dəyişikliyə nail ola bilər".

Son yazılar

Yuxarı